Etoiles inactivesEtoiles inactivesEtoiles inactivesEtoiles inactivesEtoiles inactives
 
L'méchoui de ramdam

J'm'in va ichi vous conter
L'méchoui de'm' vie
Cha 's'passo d'in les années 68
J'a pos bin compté

Eunne Fos d'pluque tout Cha
Ché bin vrai
Y' a pos d'autes vérités
Chu m'vie j'le dit

Cha ché passé ché mamie
Un bistrot d'quarti
D'l'marlire
Al pétanque
Ou y'avos qu'des amis
S'eu du quarti

Mamie l' propriéti
Edmond l' serveu
Et l' qien
Grinn
Un bergi allemand

Qui n'avos de féroce que l'façon
Qu' y' avos d'attaqui ché boites de Canigou
Un vrai danger
Pou l'porte monnaie
Ste décors etint in place in peu y'allé

Donc v'là ti pos que pou faire
Intré des douppes d'in l'caisse
Des economeu infin
D'in l'caisse de s'eu
Qui allote au bistrot mettes des douppes d'in l'eu caisse
A économie et qui depinsote pluque
A boire que les douppes économisé

Ont eu Eunne idée
Faire un pierrot pou faire
Intrer encor pluque de sous
D'in leu poches
Chéto a sti qui aros eu eunne
Idée plus mâche que l'autes

Y cachotte tant et si ben
Qu'au soir
A force d avoir So
Z'etaute tous beurré
Comme des p'tit lu.

Q'cho qui peu ben sortir d'un bistro
Rin d'bon
Au mitan d' tout Cha
L'idée d' faire un pierrot original est sortie
V'là l' drame
Z' ont demandé l'avis de Ramdam

Qui aussitôt a raconti l'méchoui d'sin pays
Lequel j'in sait n'in acore aujourdu
Y'etos bin arabe
Y'avos l' teint l'couleur
Mais y'etos comme mi
Né à l'marliere
Ché Cha plus fort.

Du berbère comme nous autes
Y connaisso que l'ingache de l'marliere
Seul sable qui avos vu ché sti du bac a sable
De l'maternelle
300 mètres plus loin
N'in trop sur de li
V'là ti pos qui propose un méchoui.

Tche idée lumineuse
Dite la a tous ces assoiffés
Auchitot dit Auchitot adopté
Fallot bin allé coucher
Resto pluque qu'a aquaté l'agnelé.

Bin sur vivant pou économisé
8 jours qu'elle a trainé d'in l'atelier Ste bête
Personne pou l égorger
Avotent tous dessaouler
Z'ont du l'échanger
Contre un plus petit déjà depeusser.

Resto pluque qu'a préparé l'binquet
Cha ché passe un sam'di midi
V'là trinché faite
Schu 20 cm
De profondeur in douceur
Et chu 2 mètres de longueur.

Auchitot fini v'là l'agnelé imbrochi
Déjà intrint de tourné
D'in s'in jus
Au d'ssus du Fu
Déjà qui faisot qu' Cho
Chéto l'été.

Deux a trois heures intrint de mijoter
Y fesot soif
Pos pou li mais pou ché deux idiots
Qui tournotent a l'main
L' brochet
Edmond braffe garçhon va quiere eunne caisse d'bires.

La Fallot pas
D'braves gars mais qui Avotent un fort penchant
Po pou l'méchoui mais pou être éméchii
24 bires Chéto juste pou ché deux zouaves
De qu' Cho épongé leu sueur
Au fur a m'ezure que l' caisse s'vido
L'agneau deballo
D'in ces braises
Et au pluque qui s'approchote du Fu
Au pluque Y z'avotent So
Ché deux ballots

Trois caisses plus tard Z'etaute
Tous deux pleins comme eunne basse
L'agnelé n'arreto pos d' bouler dehors d'sin piquet
D'Bo qui avos fini par prindre Fu
Cha n'a pos arreti ché deux lascars
Z'ont arrachis aussitôt
L'piquet in fer qui servo a pindre l'linge au gardin
S'in l'nettoyi ont imbrochi
L'infâme rôti.

Huit heures du soir
L'rôti y'etos pos cuit
Les clients infuis
Mamie qui n avos pos aché d' ces deux Ys pou braire
Resto su s'in tchu a terre.

L'morale d'l'histoire y'en a pos
Même Grinn l'clébard
Apres 8 jours a minger du mouton
Y frisot
Dégouté
Voulot plus minger même s'pâtée
S vaurien d'quien y'a fini végétarien.


Rdessauvages©30 mai 2006
du même auteur...

You have no rights to post comments

  • Tétanisante inertie
    28.05.2020 12:18
    procrastination ?
     
  • Larme...
    28.05.2020 12:17
    je pense que je voulais dire un truc spéciale... caché... intrigant :-)
     
  • Larme...
    28.05.2020 12:15
    bah en fait je ne sais même plus ce que voulais dire !! lol :-) en tous cas attristés prend ées :-)
     
  • Haïku doré
    26.09.2012 16:01
    Bon Jour, Ciel, Si je puis me permettre, en toute amitié: 5/7/5 Vaste champ d'épis - Mot de saison ...
     
  • Lettre par Aurore Dupin
    23.09.2012 10:27
    aurore Dupin est le vrai nom de George Sand, elle a envoyé cette lettre à Alfred de Musset... je vous ...